Ninciclopedia:Qualmen formatar textu

De Ninciclopedia
Jump to navigation Jump to search

Li metode por contribuer por Ninciclopedia es redactent págines. Mem apen parlant che altri usatores necessita redacter un articul nominat págine de discussion. Talmen vu have que redacter.

Qualmen redacter

Qualmen vu redacte un articul?

  • Claccant in bord Redacter proxim li cime del págine apert li articul complet por redaction.
  • Claccant in bord [redacter] in prim passu de un section por redaction. Vu posse solmen alterar ti section, ma altri Ninciclopedianes posse redacter altri sectiones in identic témpor sin confuser li Ninciclopedia (o unaltru, che li terribil avise de Conflicte de Redaction).

Quande vu clacca por redacter parte o li totalité del págine, li proxim cose que vu vide es un buxe de redaction. Si vu es acustomat redacter in Microsoft Word o Word Pad, u "quo vu vide es quo vu obtene", li buxe de redaction del Ninciclopedia va ocupar alcun témpor por aprender, pro que quo vu vide es code - nominat wikicode.

Por crear un nov págine, naviga por alcun págine que ne existe, o tippant su nómine desirat quam un adresse web in barre URL, o tippant su nómine desirat in buxe de resercha, o sequent alcun ligament rubi por it. Li Ninciclopedia va questionar si vu besona crear tal págine; si talmen, vu va obtene un buxe de redaction in quel vu posse tippar li contenete del nov págine.

Comensar che ped dextre

Usualmen, tippant frases in Interlingue va obtene ellas monstrat quam vu tippa ellas. Max del commandes es wikicode, sequenties de carácteres in anglesi que vu ne tippa normalmen.

  • Por obtener un nov paragraf, presser Enter du vezes. (Coloca un linea in blanc in buxe de redaction) Pleser ne presser Enter plu de du vezes, pro que vu va obtene in tui articul plu spacie in blanc quam altri articul de Ninciclopedia have. Presser Enter un vez generalmen ne have efecte; posse spectar quam un nov paragraf in buxe de redaction, ma in articul, tot su textu va esser invelopat junt in un unic paragraf.
  • Ne retrae tippant Tab o spacies in prim passu de un paragraf! Tab ne have efecte, e comensar un paragraf che spacies have un efecte special que vu probabilmen ne desira.
  • Quasi nequande es necessi tippar HTML in un buxe de redaction. Vu tippa wikicode, Ninciclopedia traducte in HTML, su articul specta quam li altri articules, e noi specta quam un enciclopedie.

Pleser, ne experimenta alcun tui idés astut redactant ti págine. Vice, pro quo ne experimenta ellas in págine pri Finland? O, usa li págine de provas.

Aprende previder

Quande vu clacca in Conservar págine infra de buxe de redaction, tui changes va esser scrit in Ninciclopedia.

Va esser bon si, ante de conservar tui págine, vu vider e comprende se vu tippat omnicós corectmen e que vu obtenet li efectes que vu desirat. Clacca in Monstrar prevision por narrar al Ninciclopedia por "far" li textu que vu esset operant, li metode va spectar quande vu conservar it. Li ecran de prevision include tui buxe de redaction, e vu posse continuar redactant. Clacca in Conservar págine solmen quande vu atinger un bon punctu. Ti permisse vu scrir li identic materie ma registra poc redactiones al Ninciclopedia.

Ante de conservar, plena li camp Resummation. Declara brevimen quo vu esset provant executer. Noi conosse quel li redactores qui operat ante de vu esset omni stupides, ma vu ne have que explicar it.

Ti es omni li basic! Li reste de ti págine explica codification por obtener efectes special que vu posse desirar.

Signalant

  • Por obtene textu cursiv, precede e seque li textu che 2 unic signes de citation: ''cursiv''
  • Por obtene textu nigri, precede e seque li textu che 3 unic signes de citation: '''nigri'''

Si vi alcun motive por vu besona desactivar li wikicode in un area — vu fórsan besona realmen tippar signes de citation e ne have causar cursiv — vu posse usar li etiquette HTML al prim passu del area, e al fine.

Vu posse crear formules matematical usant etiquettes HTML e li code LaTeX por scrir formules. Pleser, usa tis moderatmen, pro que ancor un formule es comic por poc letores, e chascun altrimen penosi por leer.

Listes

Crear un liste implica tippar un caráctere special quam li prim caráctere de un linea de textu.

  • Crear un liste che marcatores quam ti, comensar li linea che *.
    • E ** crea un subparte quam ti.
  1. Por crear un liste numerat quam ti, comensar li linea che #.
  2. Ne numerar tui partes tui self! It obliga vu e omni scritores que veni pos vu a dissipar témpor renumerant si adjunter o remover partes.
  3. Ne colocar alcun tip de linea o paragraf in li liste numerat: nequant foto (vider in infra) o mem un linea in blanc, pro que li proxim parte del liste va retornar por 1.
  4. Ne tippar lineas in blanc ínter partes del liste. Wikipedia (in MOS:LISTGAP) explica qualmen ti deveni penosi li vive del gente ciec che letores de ecran.

Si vu comensar un linea che :, tande li paragraf es retraet.

Ci es un exemple.

Si vu comensar un linea che un spacie, vu obtene un buxe de exemple.

Ci es un exemple. Ti es quelcvez util por monstrar exemples de codes;
Noi usa it inferiori in ti págine. It es anc usat por dessinar arte ASCII, tal 
figuras baston. Ti es li principal componente de un págine seriosimen ínbell.
Esser prudent che ti, pro que li textu intra del buxe ne velopa in totalité,
e vu ne conosse qualmen larg es li ecran del tui letor.

Organisation in section

Un articul in Ninciclopedia que continua índefinitmen es poc atrativ e penosi por letura. Es melior divider it in sectiones. Por codificar un chef de section: coloca li textu del chef in un linea, precedent e succedent per du signes de egal. Por exemple, li actual section comensat che li code:

==Organisation in section==

Ti es just: un "chef de secund nivelle". Ne usa =Chefes de prim nivelle= (che solmen un signe de egal); ili es tre larg por Ninciclopedia.

Subsectiones

Intra de un section, si vu desira subsectiones, crea un chef de section che tri signes de egal ante e pos. Por exemple, equi súper, noi codificat:

===Subsectiones===

Stil de chefes de section

Por titules de libres, vu posse usar cursiv in li chef de section. Ne use nigri in tui chef de section, specialmen si it significa que vu pensa que tui section es plu important que chascun section.

Si vu have tri o plu chefes de section, li Ninciclopedia automaticmen include un Tabelle de contenetes in ti articul. Ne far it vu self, vu va solmen devenir penosi por li proxim usator changear li organisation de sectiones.

Si, por alcun motive, vu ne desira que tui articul have un Tabelle de Conetenete, tippa li sequent linea in ucunc in li document:

_NOTOC_

Ligamentes

Ligamentes es locos in tui págine u, si li letor apunta e clacca, il va ear por alcun altri págine. Ligamentes conexe li articules del Ninciclopedia por altri articules, auxilia li letor e far nos quam li Wikipedia.

Por crear un catenun por un altri articul in li base de data, coloca crampones quam ti:

[[textu ci]]

Li catenun va functionar índependent de li prim líttere es majuscul o minuscul, talmen usa li grammatica corectmen.

Ligamentes canalisat. Por unir alcun altri cose que li titul litteral del articul, usa un barre vertical (Shift+Backslash) quam ti:

[[titul del articul|Paroles ligat]]

Ti ligament canalisat monstra quam Paroles ligat, ma quande li letor clacca in it, it actualmen ea por li articul que vu nominat in li flanca levul del barre. Li exact articul cible posse esser in minim relatet che li parol que monstra. (O alcun cose completmen non-relatet es hilari. Támen, vu va far li letor ride sempre minu.

Ligamentes alterat. Lu max articules del Ninciclopedia es scrit quam substantive singulari. Si vu desira usar li plural, tippa li s just pos de crampones. Li tot parol modificat va esser li ligament. Por exemple: [[Lande]]s o [[Articul]]es o [[Europa]]n.

Ligamentes por sectiones. Un catenun posse dar un metode de ne navigar por un diferent articul ma por un section specific in ti articul. Li formate es li sequent:

[[Titul del articul#Chef de section]]

Por exemple, ear por li sequent section in li págine de discussion del Principal págine: Discussion:Principal págine#Errores.

Ligamentes rubi. Li que vu ligar besona exister, e vu deve tippar su nómine exactmen. Altrimen, li ligament ne va functionar e va aparir in rubi. Quandecunc[1] vu vide un ligament in rubi, ples fixa it, o removent li crampones, changeant it por li nómine de un págine que existe, o usant un barre vertical por ne changer li scritura del parol. (Alcun ligamentes rubi comic, quande ili (1) es pri alquó que es rubi, o (2) es pri alquí u li manca de un articul monstra quo un actor minori il es. Alcun ligamentes rubi es invitation por scrir un articul, tal quam li presidentes mancant del USA.)



  1. Ne fixar ligament in rubi in ti-ci paragraf! It es un exemple! Narcotisator

Súperligament. Far un frase complet un ligament es alquó ínbell. Anc, ne tornar dates in ligamentes, pro que Wikipedia ne functiona talmen. Exagerar li normes de Wikipedia súperusant quam artificies de codification es un antiqui joca intern que li letor medial percepte quam non comic ma simplicmen ínbell.


Figuras

Un amasse de potates

It es facil includer fotos o ilustrationes in un articul del Ninciclopedia. Mult figuras existe in Uncyclomedia Commons, e vu posse constatar serchant in li categorie convenent o verificant in un articul afin in altri lingue.

Por obtener un nov ilustration in li site, vu have que far tis coses:

  • Aperter session o crear un conto in Ninciclopedia,
  • Obtener li ilustration in tui computator, e
  • Ear in Special:Cargar file e sequer li instructiones por cargar it de ta por Ninciclopedia.

Si usar un ilustration existent, nota su nómine. Si cargar un nov figura, dar a it un nómine descritiv e memorar quo vu clamat it.

Nu redacte li articul que vu desira includer li ilustration. Ma ante del paragraf que vu desira colocr li ilustration tippa ti code in un linea:[1]

[[File:nómine del figura|thumb|right|dimensionpx|legende]]

In ti formate:

  • right significa que it va aparir in márgine dextri del págine quam it monstrat in ti section. Vu posse tippar left in vice de it.
  • nómine del figura es li nómine del figura que vu desira includer, includent li extension.
  • dimensionpx es quant pixeles in larg vu desira que li figura va tornar. Por exemple: 200px[2]
  • legende es li legende que vu desira in infra.

Por exemple, [[Image:Potatoes.jpg|right|thumb|200px|Un amasse de potates]] esset li code que productet li figura in li comense del section. Quocunc cáractere pos li prim barre vertical posse esser abandonat.


  1. Si vu colocar ti code in li centre de un paragraf, li paragraf ne va renderisar corectmen in li págine del web.
  2. Tristmen, vi nequant metode por far it, ti varia secun quant grand li fenestre del navigator del letor es, e vu have nequant maniere de saver quant grand it es. Talmen ples ne passa tot nocte provant far li dimension corect!

Media

Media (audie e filmes) posse esser includet in tui articul. Vu deve usar ti moderatmen, pro que nor emfase es li scritura de comedie original.

Por fixar un file de media, carga it in Ninciclopedia si it ja ne es ci (in identic maniere quam por fotos, vide supra), e usa ti formate:

[[Media:Nómine del file de media]]

Ligamentes extern

Ligamentes por altri websites es decorageat. Denov, noi es creant un scritura de comedie original. In mult casus u li autor apunta por altri website, un scope posse esser provider "indication" e li autor posse esser ingageat in jure: in vice de scrir alquó comic pri un celebritá, il apunta novas pri li celebritá por monster al letores quam stupid li celebritá es.

Támen, si deve crear un ligament extern, usa crampones unic . Pos aperter crampone, tippa li URL, completa che http: o https: o quocunc.

[URL]

It va aparir in li articul quam un númere de referentie. Si vu vell desira it por aparir quam alquó plu, tande ante tippar li terminar crampone, tippa un spacie, tande li textu que li letor vell claccar por li págine web specificat. Por exemple:

[http://www.example.com Clacca ci por vider un foto.]

Un de nor machines til Abuse Filter va questionar por confirmar que vu realmen besona far ti.

Categories

Categories es altri utensile que auxilia letores e autores a constatar articules afin. Mult articules e fotos posse esser colocat in un categorie, quam Categorie:Europa. Si vu es scrint un nov articul afin por ti categorie, vu posse claccar in li categorie in base del págine por vider un liste de partes que posse esser util por vu.

Vu usar li identic crampones por includer un págine in un categorie, tipicmen in li funde del buxe de redaction:

[[Categorie:nómine del categorie ci]]    

Un articul posse esser poarte de varie categories.

Si vu es redactent un págine de categorie, addint ti págine por un categorie existent va far it un subcategorie intern ti categorie.

  • Idé: verifica quo categories ja existe. Si vu usa un categorie que ja existe, es pertinent, e contene mult págines, tand plu gentes es probabil mispassuar trans tui nov págine. Categorie:Categories es anc un bon loco por serchar pertinent categories. Solmen naviga tra li subcategories.

Por referer un categorie sin far tui articul parte de ti categorie, precede li categorie che un colon:

[[:Categorie:nómine del categorie ci]]

Ti articul usat ti tecnica supra, quande li categorie Europa sin have ti articul actualmen in ti categorie.

Órdine de classification. Si vu es scrint pri un person, usa ligament de categorie che un barre vertical, quande it es colocat in un categorie, li liste es classificat per li ultim nómine. Por exemple, si scrint un articul in "Chuck Norris", have it classificat per su nómine tippant "Norris, Chuck" codificant:

[[Categorie:nómine del categorie ci|Norris, Chuck]]

Avises

Si vu usa imbrassamentes in vice de crampones, quo vu obtene es un avise (in anglesi template). Un avise ne es un referentie por un págine; it es un comande por copiar tot li contenete de un págine e inserte it in li págine que vu es scrint. (Vu posse conosser it quam un "macro.")

Li Ninclopedia va suposir que li avise es un págine in li spacie nominal Avise:, tal quam Avise:Cquote. Ma ne have que esser. Ne crea un avise ta por usu personal; un avise in tui spacie de usator functiona solmen ta. Por exemple, vu posse crear un file de signature in Usator:Avise:USERNAME/signature e tande tippar {{Usator:Avise:USERNAME/signature}} por have li contenete de tui file de signature veni in chascun loco que vu signar un págine de discussion.

Max del témpor, in vice de crear tui propri avise, vu va usar mult avises disponibil in li. Alcun de tis es listat in Categorie:Avises. Tene in mente quande vu usa avises ili es basicalmen artificies, e scrir materiale creativ e comic es melior que usar artificies (que, essent in un avise, significa que li identic cose ha esset fat mult vezes ante).

Un avise posse have parametres (o argumentes), quel es comandes por un avise que afecte li textu it inserte in tui págine. Ili usa li signe de barre vertical (Shift+Backslash), quam ti:

{{nómine de avise|prim argument|secund argument|foo=valore por argument "foo"}}


Altri tecnicas

Por crear un linea horizontal, solmen tippa 4 strec ligantes in un linea

----

Un linea horizontal specta quam ti:


Usa un linea horizontal por separar partes distint de un section. Támen, Ninciclopedia usualmen usa un nov chef de section por far ti. Ne codifica lineas horizontal solmen far un section de triesim nivelle quam un section de secund nivelle.